Учора быў добры дзень. Дзякуй Небу, што да ночы трымала дождж. Днём пагрузіўся на ровар і паехаў па вёсках. Не даехаўшы да адной вёскі, захацелася мне злезці і прайсціся ў бок ад лясной сцежкі, каб паглядзець на камень. Прадчуванне не падманула. Камень быў не просты, а з прасвідраванай адтулінай у паўночным баку. Ды гэта не ўсё! Калі рабіў абмярэнні валуна, пачаў замяраць глыбіню адтуліны і на самым донцы знайшоў манетку! Хоць і прастая савецкая, але значыць, што гэты камень пэўным чынам ушаноўвалі. Адразу прыгадаў, што на суседнім полі (на ўскарайку якога ў ляску схаваўся камень) да калектывізацыі стаяў шанаваны лекавы дуб. А ў вёсцы дагэтуль ёсць лекавая крыніца (недалёка ад якой знайшліся каменныя жорны). Вось такое месца са многімі культавымі аб'ектамі! Аднак справа гэтым не скончылася) Ехаўшы ўздоўж могілак (свідраваны валун быў ад іх метраў за 50) заўважыў, што на самым ўскрайку могілак, ля ўваходу ля агароджы, ляжыць яшчэ адзін валун з апрацаванай паверхняй і свідраванай адтулінай! Значыць сапраўды камяні не простыя, інакш імі не пазначалі б мяжу паміж светам памерлых і светам жывых. Напрыканцы адзначу, што і на могілках ёсць вельмі цікавыя помнікі. Спадзяюся, што атрымаецца надрукаваць матэрыялы пра іх.
Камень №1
( адтуліна валуна №1 )Камень №2
( адтуліна валуна №2 )
![[info]](http://l-stat.livejournal.com/img/userinfo.gif){kind=small}
zmicierbielapol
